Бугарските власти соопштија дека разбиле криминална група што печатела фалсификувани пари и документи со висок квалитет.
Меѓу документите се наоѓал и лажен пасош со фотографија од актерот Силвестер Сталоне, кој требало да биде нешто како реклама и да ги воодушеви потенцијалните клиенти.
Обвинети се четворица бугарски државјани за учество во групата која изготвувала и продавала лажни бугарски документи, евра и американски долари.
Бугарските власти извршиле претрес на 30 локации во заедничка операција со Агенцијата на ЕУ за полициска соработка (Европол) и тајната служба на САД, наведуваат обвинители.
Шест лица се уапсени откако е пронајдена незаконска опрема за печатење на пари и изработка на документи, како и големо количество на лажни банкноти од 50 евра и 100 долари.