По пукотницата во Будва во која беше ранет Марко Љубиша Кан, висок „функционер“ на Скаљарскиот клан и пријател на Лука Бојовиќ, полицијата го блокираше градот и проверува автомобили во потрага по напаѓачот.
Како што изјавија за „Блиц“ очевидци на пукањето, напаѓачот носел бела маица.
– Испука неколку куршуми, еден куршум го изгреба во главата. Се чувствуваше мирис на барут – рече еден од очевидците.
Како што објави репортерот на „Блиц“, возилата имаат тешкотии со движењето во Будва.
За потсетување, Марко Љубиша Кан од Будва беше повреден во базенот на хотел во Пржно.
Итна помош му ги преврза раните на лице место, па беше пренесен во болница.