Владата на Република Србија на денешната вонредна седница го прогласи 27 септември 2023 година за Ден на жалост поради трагичните настани на Косово и Метохија.
Владата на Србија бара од сите медиуми и организатори на јавни настани да ја прилагодат својата програма на Денот на жалоста во среда, 27 септември, и на тој начин да им оддадат почит на жртвите на Косово.
Во српските области на територијата на Косово ќе бидат откажани сите забавни настани организирани од органи и институции на локалната самоуправа, а знамињата на Република Србија на сите институции ќе бидат спуштени на половина копје.