Обилен дожд и силен град денеска го зафатија североисточниот дел на Босна и Херцеговина. Фотографиите и видеата објавени на социјалните мрежи покажуваат дека огромни парчиња мраз паѓаа во градот.
Во Грачаница, град во Тузланскиот кантон, имаше силен град кој оштети автомобили. На снимката која ја објави црна хроника на БиХ се гледа автомобил со напукната шофершајбна, додека задното стакло е целосно скршено.
Се чини дека штетите ќе бидат значителни.
Парчиња мраз со големина на тениско топче паѓаа и во областа Добој.
На една од фотографиите кои ги објави BHMeteo, може да се види парче мраз поголемо од тениско топче.