Со кревање на знамето пред Палатата Србија во Белград, денеска свечено беше отворен првиот Европрајд во Југоисточна Европа.
Овој најзначаен настан за ЛГБТИ+ заедницата ќе се случува во текот на целата недела, кога ќе се организираат 130 различни настани, а се треба да заврши со парада во сабота, која се уште не е сигурно дека ќе се одржи.
Еден од организаторите на Европрајд, Горан Милетиќ, изјави дека се уште се чека одлуката на државата и дека преговорите за парадата на гордоста се во тек.
„Со одржувањето на Еуропрајд, Белград ќе покаже дека градот е отворен за сите и еднаков за сите, дека градот се менува и дека правата на сите мора да се гарантираат“, рече Милетиќ, нагласувајќи дека ова е можност да се испратат пораки за толеранција, солидарност и еднаквост.
Според него, ова е првпат знамето да се подигне пред државна институција, што значи дека институциите мора да си ја завршат работата кога станува збор за заштита на правата на ЛГБТИ+ заедницата. Првиот чекор треба да биде итно усвојување на законот за истополови заедници, рече тој.
Во Србија со денови владее атмосфера на тензии и спорови околу одржувањето на парадата на гордоста, а предничат десничарските активисти и СПЦ.