Жителите во село Торд, во општина Житиште се во шок, по торнадото кое го погоди местово во недела и направи големи штети.
Голем број домови останаа без своите покриви, а силниот ветар откорна и многу дрвја.
На терен се комуналните претпријатија од општината, припадници на полицијата и противпожарната служба како и комисијата за проценка на штета.
-Среќа што нема жртви и никој не е поврден. Вакво невреме не се памети. Прогласена е вонредна состојба. Досега штета пријавија околу 80 домаќинства, а оштетени се околу 100 објекти. Главно настрадаа покривите, гаражите, електричните столбови, а штетите се милионски, изјави претседателот на месната заедница на Торд.
Елена Георгиевска