На повеќе места во центарот на Белград се собраа голем број граѓани за да им оддадат почит на жртвите во денешниот масакр во основното училиште „Владислав Рибникар“ и да им дадат поддршка на нивните семејства.
Најмногу луѓе има на Цветниот плоштад.
Тие донесоа цвеќе и запалија свеќи за осумте убиени деца и обезбедувачот Драган Влаховиќ.
Луѓето се собраа и во близина на училиштето каде утринава околу 8 часот и 40 минути момче уби чувар и осум ученици, а повреди уште шест деца и наставник, а потоа повика полиција која го уапси.
Илјадници граѓани побараа оставки од одговорните пред Министерството за образование поради денешниот масакр.