Учителката која беше тешко ранета во масакрот во основното училиште „Владислав Рибникар“ во Белград, поднела тужба против Миљана и Владимир Кечмановиќ, родителите на момчето што го изврши злосторството до Вишиот суд во Белград, соопштија денеска за Танјуг од тој суд.
Тужбата против Кецмановиќ е за надомест на нематеријална штета поради физичка болка, страв, намалување на животните активности и понижување, поднесена од наставничката по историја Татјана С.
Судот наведува дека тужбата против брачната двојка Кечмановиќ е поднесена бидејќи тие не одговараат за делото што го сторил, туку одговараат за штетата што ја предизвикало нивното малолетно дете како резултат на лошо воспитување, лош пример или семејни навики кои му биле дадени од неговите родители.