Претседателот на Србија и Српската напредна странка, Александар Вучиќ, вечерва на Инстаграм објави предизборен спот, со порака дека „Србија мора да продолжи напред“.
„Србија требаше да биде обновена и ние ја обновивме“, се наведува во спотот, објавен на инстаграм профилот „avucic“, во кој се истакнува дека за време на владеењето на СНС се обновени патишта, железници, домови, училишта, економијата, војската и меѓународниот углед на земјата, како и дека се отворени нови работни места.
Во спотот се вртат и снимки од средбите на Вучиќ со германската канцеларка Ангела Меркел, францускиот претседател Емануел Макрон, рускиот претседател Владимир Путин, кинескиот претседател Си Џипинг и израелскиот премиер Бенјамин Нетјанаху.
Спотот завршува со слоганот „Александар Вучиќ – за нашите деца“.