Поголемиот дел од Словенија денеска го зафати силно невреме, некои места останаа без струја, дрвја паднаа на улиците, а дел од нив беа затворени, пишува словенечки „Дневник“.
Силен ветер уриваше дрвја, а паѓаше и град.
На места поради последиците од невремето затворени се локални и државни патишта, а без струја останаа илјадници домаќинства.
Најсилните налети на ветерот надминаа 100 километри на час, а времето не се смири до попладневните часови.
Според досегашните податоци на Словенечкиот информативен центар, најсилното невреме било во Помурје, а за поплавени згради, бројни паднати дрвја и прекин на струја има и од Горење, Корушка, Штаерска и Приморска.