Во делови од Унгарија Дунав се излеа од коритата, а фотографиите објавени од светските агенции покажуваат дека водата стигнала до зградата на унгарскиот парламент во Будимпешта.
Според прогнозите, водостојот на Дунав во Будимпешта ќе го достигне својот врв за време на викендот. Се очекува да достигне висина од околу 850 сантиметри. Делови од Будимпешта утрово беа поплавени.
The Danube has flooded in Budapest! 🇭🇺📷 This is what the lowest part of the city looks like The water level is expected to rise for two more days #Powodź #Powodz2024 #Budapest pic.twitter.com/Mp8hmAPAUu
— Madison Moore (@moore_madi73907) September 19, 2024
Поплавите што ја погодија централна Европа оставија трага на уништување од Романија до Полска, со кал и урнатини во градовите, уништени мостови, потопени автомобили и оставајќи ги властите и луѓето со штети што ќе да се мерат во милијарди долари, пишува агенциите.
„Поради обилните дождови и поплавите, ситуацијата е критична во цела Централна Европа“, објави унгарскиот премиер Виктор Орбан во објава на социјалната платформа Х. Според Орбан, најтешката фаза од одбраната ќе трае до следниот четврток. Врвот на поплавниот бран во Унгарија ќе трае додека бранот не стигне до Србија.