Ден откако во Србија се одржа вториот генерален штрајк, протестните маршеви продолжуваат во голем број градови. Луѓе од Белград, Нови Сад, Ниш и други места излегуваат на улиците, додека студентите од Суботица пешачат кон Белград, каде што се очекува да пристигнат на 15 март на голем митинг.
На Студентскиот плоштад во Белград се одржува маршот за 8 Март насловен „Жените во првите редови“. На плоштадот се собраа неколку стотици луѓе.
Најавен е 18-минутен молк за жртвите на настрешницата од Нови Сад и три жртви на фемицид, но непосредно пред тоа организаторот преку разглас објави дека штотуку слушнале за уште една жртва на фемицид, па наместо 18 ќе има 19 минути молчење.
