Претседателот на Србија, Александар Вучиќ, денеска им се обрати на приврзаниците на Српската напредна странка (СНС) на митингот пред Народното собрание во Белград, при што најави дека новата програма на партијата ќе биде претставена во понеделник.
Тој рече дека граѓаните ќе бидат задоволни од новите мерки, меѓу кои најави и зголемување на пензиите уште пред почетокот на следната година.
🔴Sırbistan Cumhurbaşkanı Aleksandar Vučić, önümüzdeki haftalarda görevinden istifa edeceğini ve bunun erken genel seçimlerin önünü açacağını duyurdu. pic.twitter.com/X6mq8kAfL9
— 3. Dünya Savaşı (@ww3mediaa) June 27, 2026
„Ќе има значително зголемување на пензиите уште во ноември или декември, а и пред тоа ќе има нешто што многу ќе ве израдува“, изјави Вучиќ.
Во говорот, српскиот претседател изјави и дека ова најверојатно е неговото последно обраќање пред толку голем број граѓани во својство на претседател.
„Зборуваа дека никогаш нема да ја напуштам претседателската функција. Ова се моите последни денови и недели како претседател на Републиката“, рече Вучиќ, без дополнително да објасни на што точно се однесува оваа изјава.
Тој најави и дека од август во Србија ќе започне производство на хуманоидни роботи, тврдејќи дека тие ќе се произведуваат во фабрики кои, според него, ќе бидат „подобри од оние во Кина“.
#BREAKING A massive pro-government rally is taking place in Belgrade, Serbia, with President Aleksandar Vucic as the main speaker.
Video: Tanjug pic.twitter.com/3WGJ3Rgkak
— The National Independent (@NationalIndNews) June 27, 2026
Митингот се одржа под слоганот „Србија, едно семејство“, а претседателот на СНС, Милош Вучевиќ, претходно најави дека на собирот ќе бидат претставени името на идната изборна листа и дел од политичката програма на партијата.
Пред почетокот на централниот настан, приврзаниците на СНС низ улиците на Белград носеа големо српско знаме. Колоната ја предводеа министерот за финансии Синиша Мали и Данило Вучиќ, син на претседателот.
Hvala Srbijo. 🇷🇸🇷🇸🇷🇸 @avucic #Vucic #SNS #Srbija pic.twitter.com/FODhyDRkeF
— СНС СРБИЈА (@sns_srbija) June 27, 2026
На митингот присуствуваа и премиерот Ѓуро Мацут, шефот на пратеничката група на СНС Миленко Јованов, министерката за енергетика Дубравка Ѓедовиќ Хандановиќ, пратеникот Владимир Ѓукановиќ, како и други високи функционери на владејачката партија.
Поради одржувањето на митингот, повеќе улици во центарот на Белград беа затворени за сообраќај, вклучувајќи делови од Булеварот Крал Александар, Таковска, Кнез Милош и Трг Никола Пашиќ, а привремено беше блокиран и автопатот низ главниот град.