Хрватските медиуми објавија видео од местото каде се урна спортскиот авион во кој загинаа сопружници од Германија.
Авионот од брендот Virus SW Pipistrel се урна нешто пред 13 часот на локалниот аеродром за време на полетувањето.
Како што неофицијално дознава Истра 24, до трагедијата дошло кога при падот на леталото се запалил резервоар полн со гориво.
Ова е прва воздухопловна несреќа на аеродромот во Пула.
На местото на настанот се испратени екипи на Итна медицинска помош и пожарникари. Аеродромот најави откажување на сите летови до дополнително известување.