Нови дојави за поставени бомви и попладнево го вознемирија Белград. Како што јавуваат српските медиуми, имало дојави за бомби во студнетски дом на Вождовац, студентите се евакуирани. Закана дошла и за поставени бомби во два трговски центри. Во тек е евакуација на посетителите и на вработените.
Српскиот портал Телеграф попладнево објави дека на редакцискиот мејл пристигнала порака во која имало закана дека бомби се поставени на многу локации.
„Нема да седиме со скрстени раце додека Русија ја уништува нашата земја. Србите се соучесници и затоа се здружвме со Албанците за да минираме локации во Белград“ – стои во пораката,а потоа следува список на многу локации во главниот српски град на кои наводно има поставени бомби.