Татјана Саваресе, мајка на девојче чие име се најде на списокот на Коста К. кој го изврши масакрот во Врачар, откри што се крие зад реакцијата што ја имала кога палела свеќи.
Кога пред основното училиште „Владислав Рибникар“ се собраа голем број луѓе за да запалат свеќи и да остават цвеќе, се појавила потресената мајка на девојчето кое било блиско со ученикот. Нејзината ќерка била на списокот на луѓе кои момчето планирало да ги ликвидира. Татјана Саваресе, мајката на девојчето, откри дека не сакала да има бурна реакција и дека нејзината ќерка го прекинала контактот со момчето кое го изврши масакрот во Врачар.
„Се согласив да разговараме затоа што ако молчиме, не можеме ништо да промениме. Не ми беше намерата да бидам толку многу на социјалните мрежи, но мојата реакција беше многу емотивна. Не сакав да биде така, но навистина беше спонтано. Размислував и не се обвинувам себеси што го направив тоа така“, започна мајката на девојчето во емисијата на телевизијата К1 и додаде:
„Се подготвував да ја запалам свеќата во 14 часот, слушнав разни приказни и во исто време пријатели од странство ми испраќаа информации што ги добиваат таму. Растеше притисокот врз мене, не можам да слушам глупости. Пристигнувам таму и го гледам тој транспарент „Родители, разговарајте со децата“. Тоа беше поттик за мојата реакција. Сакав мирно да запалам свеќа и да оставам цвеќе, како и сите други. Иако, не се каам што го направив тоа“, објасни Татјана.
Како што објаснила, нејзината ќерка престанала да контактира со момчето бидејќи тој е „досаден и многу фин“.
„Тие ги обвинуваат родителите, системот, игрите, а тој не ги играше игрите. Она што мене како родител ми пречеше е што родителите беа обвинувани цело време. Ги запознав родителите, тој дојде и се дружеше со ќерка ми некое време. Јас секогаш ја следев, таква сум, доцна ја родив и веројатно така оди. Тие се супер луѓе. Ќерка ми го прекина контактот со него бидејќи е многу досаден и многу фин. Не беше малтретиран, дури и беше омилен. Не би дала детали поради другите деца, но девојките го сакаа, беа вљубени во него. Родителите се луѓе кои сигурно разговарале со него“, изјави Татјана.
Таа повтори дека детето е „монструм“, со предупредување дека не е експерт за поставување дијагнози.
„Тој е чудовиште. Тоа што никој не го забележа е затоа што многу ја гледаме фасадата. Беше љубезен, воспитан, знаеше ред, но очигледно никој од нас не ја виде неговата суштина. На мојата ќерка воопшто не и се допадна мојата реакција, ме замоли да не реагирам повеќе вака. Ги учиме децата да не кажуваат како се чувствуваат, се чини дека тоа е голем проблем во нашето општество. Добивам пораки од тинејџери кои ми пишуваат „Браво, мислиме исто“, но тие се специфичен вид, добиваат од друѓтвото порака дека се живее под маска и дека е така многу подобро. Тоа е мое непрофесионално мислење“, објасни Татјана Саваресе.