(ВИДЕО) Лидерот на „Демократска Бугарија“: Францускиот предлог за C. Македонија е исклучително добар за нас

Од:

Францускиот предлог за Pепублика Северна Македонија е исклучително добар за Бугарија. Ова во студиото на „Разбуди се“ на бугарската телевизија „Нова“ го изјави лидерот на „Демократска Бугарија“ Христо Иванов.

dobivaj vesti na viber

„Покрај владината криза, онаа во владејачкото мнозинство, Бугарија е пред многу важна одлука поврзана со Северна Македонија. Ова е важно не само за Северна Македонија, туку и за нас, но ние сме на пат тоа да го пропуштиме. Ова ќе биде крајно несреќно за нас. Се долева масло на огнот“, рече тој.

Според него, лидерот на „Има таков народ“ Слави Трифонов се обидува да ја искористи темата Северна Македонија за да обезбеди алиби за некои од неговите внатрешно-политички дејствија.

„Тоа е начин кој во најмала рака е неодговорен. Конечно го добивме резултатот од францускиот посреднички напор. Многу внимателно го прочитав предлогот. Разговарав и со многу авторитетни дипломати од различни политички сили. Општото мислење е дека ова е многу добар предлог за Бугарија. Сакам сите да ме слушнат – ова е исклучително добар предлог за Бугарија, кој сме подготвени да го фрлиме во ѓубре бидејќи во моментов сме во домашен скандал“, рече Иванов.

Тој додаде: „Ако Бугарија сега не го разгледа овој предлог, а е поволен за нас и не знаеме кога ќе има втор таков, ете тоа ќе биде национално предавство. Според предлогот, Скопје мора да се обврзе пред ЕУ да го промени својот Устав и да ги регистрира Бугарите како еден од државотворните народи. Ако Македонија не го направи тоа, нема да има преговори за ЕУ, нема да го укинеме ветото“.

Според Иванов, ДБ ќе го поддржи францускиот предлог за Северна Македонија доколку влезе на расправа во пленарната сала на Собранието.

„Франција е посветена да ни помогне, а кога велам дека предлогот е добар за Бугарија, го велам затоа што на сослушувањето во Народното собрание го потврди и самата министерка за надворешни работи во оставка Теодора Генчовска“, рече Христо Иванов.

Лидерот на ДБ се изјасни и за гласањето на недоверба на Владата за кое во среда ќе се гласа во бугарскиот парламент.

Според него, дури и да опстане Владата благодарение на тоа што на врвот има еден или двајца пратеници повеќе од нивните противници, тоа сепак нема да биде мнозинство што може да обезбеди стабилно владеење на Бугарија.

„Во секој случај мора да седнеме и да бараме нова формула за поддршка на Владата. Ако не отвориме нова политичка страница, без разлика колку е тоа тешко, без разлика колку тоа вклучува грешки, ние сме осудени на многу тешки времиња“.

Би можело да ве интересира

Бугарија го кани Османи на состанок во Банско, нема да оди за да се фокусира на процесот во Собранието

Катерина Павлова-Николовска

(ВИДЕО) Генчовска: Завршивме со Протоколите, ќе преземеме мерки против говорот на омраза во С. Македонија

Ана Ололовска

Фон дер Лајен: Бугарија и Северна Македонија се блиску до договор

Францускиот предлог стигна до Владата

Катерина Павлова-Николовска

Кабинет на Макрон: При употребата на придавката за граѓаните на С. Македонија е направена ненамерна грешка

Ана Ололовска

Речиси 60 отсто од Бугарите сметаат дека „францускиот предлог“ не ги зема предвид интересите на Бугарија

Ана Ололовска