Премиерот на Косово, Албин Курти на вонредна седница на Собранието повторно рече дека Србите на утрешниот референдум ќе можат да гласаат по пошта или во Канцеларијата за врски во Приштина.
„Никој никому не му го ускратува правото на глас. Едноставно, поради тоа што функцијата на Амбасада на Србија ја врши Канцеларијата за врски во Приштина, гласањето на референдумот може да се изврши таму како што е во склад со нашиот Устав“ – рече Курти.
Претходните години, гласачите од Србија не гласаа како граѓани од странство туку како внатрешни жители. Тоа е погрешна пракса и нема никакво оправдување да се продолжи со грешката смета косовскиот премиер.
„Косово е независна и суверена држава и како таква треба да се третира. Собранието, потпирајќи се на Уставо, не го признава правото на една држава еднострано да организира референдум на суверена територија на друга држава“ – истакна Курти.