На интернетот се појави видео запис од Белград, на кој се гледа како контролор од трамвај удира повозрасен сограѓанин и не му дозволува да влезе. Имено додека човекот се обидува да влезе во трамвајот, момчето кое што е контролор, со нога го исфрла надвор.
Како што пренесува српски „Блиц“ во трамвајот биле уште две момчиња, кои што исто така се бројачи на патници.
Од дирекцијата за јавен превоз на Белград изјавија дека е утврден идентитетот на момчето кое што го направи инцидентот и дека истиот во најкраток можен рок ќе добие отказ, а против него ќе биде поднесена кривична пријава.
Е. Г.