Констутитивната седница на собранието на привремените институции на Приштина повторно беше прекината откако лидерот на движењето Самоопределување Албин Курти повторно побара дополнително време за разговори со партиските лидери за изборот на претседател на привремените институции. Ова предизвика незадоволство кај пратениците, а додека Курти одеше од говорницата кон своето место, пратеничката на Алијансата, Тиме Кадријај, фрли јајца кон него, по што пратениците на Самоопределување станаа за да го заштитат.
Eggs were thrown towards acting Kosovo PM, Albin Kurti by an oppositon MP in the Assembly today. pic.twitter.com/GnrCftkW2a
— Xhemajl Rexha (@xhemajl_rexha) August 8, 2026
Претседавачот на седницата, Авни Дехари, потоа повика обезбедување во салата и ја прекина седницата. На почетокот на конститутивната седница, кога се очекуваше да предложи кандидат за претседател на собранието на привремените институции, Курти, како и во четврток, побара дополнително време.
„Сè уште немаме политички договор, па за да избегнеме нови избори, барам дополнително време“, рече тој.
Конститутивната седница на собранието на привремените институции беше прекината и во четврток бидејќи Курти побара дополнително време за разговори со опозицијата за избор на претседател на привремените институции.
Рокот за конститутивната седница на собранието истече на полноќ, бидејќи според одлуката на Уставниот суд, конститутивната седница на собранието мора да заврши во рок од 30 дена од потврдувањето на резултатите од изборите.
Самоопределување и Демократската лига на Косово не постигнаа договор за формирање на институции во последните денови.