Синоќа во 23 часот по локално време прекина емитувањето програмата на државната грчка радио и телевизија ЕРТ.
Главниот предавател близу Атина бил исклучен од полицијата, но вработените на телевизијата, кои ги запоседнаа просториите, продолжија да емитуваат отворено студио во текот на целата ноќ, најпрвин преку аналоген сигнал, кој подоцна исто така бил исклиучен, а потоа само на интернет.
Владата на Грција вчера соопшти дека ќе биде прекинато времено емитувањето програми на националната телевизија и радио заради економски мерки. Владин портпарол изјави дека компанијата трошела премногу средства, страдала од корупција и лош менаџмент.
Според грчки медиуми, се очекува ЕРТ да продолжи со работа „во најсокоро време“, но со помалку вработени.