Голем пожар избувна во трговскиот центар „Енјуб“ во Нов Белград. Голем број противпожарни екипи се на местото на настанот и се борат со пожарот. Тие се обидуваат да спречат ширење на пожарот кон други објекти, па затоа го гаснат од повеќе насоки. Во гаснењето на пожарот учествуваат 45 пожарникари, со 14 возила. Командантот на противпожарната бригада на Белград, Драган Мирковиќ, изјави дека во пожарот нема повредени цивили, додека двајца пожарникари се полесно повредени. Тој рече дека пожарот е под контрола. Пожарот избувнал околу шест часот, а Мирковиќ истакнува дека од пожарот се зафатени помеѓу 60 и 70 продавници.
„Најважно е што нема жртви или повредени. Сè уште работиме на гаснење на пожарот. Гаснењето на пожарот е отежнато од самата конструкција на зградата, која е направена од „сендвич панели“ и други постари материјали“, изјави Мирковиќ за РТС.
