На социјалните мрежи се шири снимка од девојка која им вика на полицајците кои ја обезбедуваа зградата на вчерашниот протест во Белград пред таблоидот Информер. Протестот е организиран поради скандалозно интервју со силувач во кое го прашале што треба да прават жените кога ќе им пријде.
„На вас жената ви е мајка, жената ви е сестра, жената ви е ќерка – а вие дојдовте и го заштитивте Информер! Уапсете ме до утре, знам дека најверојатно после ова нема ни да се вработам во оваа земја. Но вие не навредувате секој ден со тоа што не доаѓате и по три часа кога некој ќе пријави насилство“.
Краткиот, но моќен говор стана вирален на социјалните мрежи, а пораката што ја испрати до полицијата е многу јасна.
Moja izabrana premijerka. ?pic.twitter.com/C6lRXdaZnz
— Amfetaminolohije (@amfetaminolohie) September 28, 2022
Протестот го организираше феминистичкото движење „Женска солидарност“ поради објавување на интервју со сериски силувач кој неодамна беше ослободен. Толпата час и половина го блокираше сообраќајот пред редакцијата и фрлаше со јајца кон зградата.