По завршувањето на истрагата, полицијата ги соопшти деталите за експлозијата која вчера ги исплаши жителите на загрепската населба Рудеш. Како што наведуваат во соопштението, засега непознатиот сторител околу 17 часот и 25 минути фрлил две рачни бомби во дворот на зградата на улицата „Анина“.
Едната бомба експлодирала веднаш, но другата не. Од експлозијата оштетени се личниот автомобил на 41-годишник со загрепски регистерски таблички, автомобил со загрепски таблички сопственост на фирмата, предниот дел од куќата и прозорецот на приземјето, додека нема повредени, соопшти полицијата.
Втората рачна бомба под надзор на полициски службеници за антиексплозивна заштита била уништена со контролирана експлозија во 21:05 часот на местото на откривањето, се вели во соопштението.
Во периодот од 17 часот и 35 минути до 22 часот и 18 минути сообраќајот на улица „Ана“ е прекинат поради безбедност на граѓаните, ситуацијата била под контрола на полицијата, а денеска продолжува утврдувањето на околностите на настанот, соопштија од полицијата додавајќи дека вредноста на материјалната штета се уште не е утврдена .