Грчката полиција почна интензивна потрага за лоцирање и апсење на сторителот кој вчера попладне застрела и смртно рани 50-годишен маж со албанско потекло во областа Аналипси во источен Солун.
Крвавиот инцидент се случил вчера во 12:35 часот пред бензинската пумпа на улицата Солонос бр. 51 пред очите на случајни минувачи.
— Pluton (@Pluton45873221) July 14, 2023
Според очевидците, сторителот и жртвата наводно се познавале и кратко време пред убиството заедно седеле во ресторан во околината.
Како што може да се види на видеото, 50-годишниот маж се расправа со возачот од автомобил паркиран на пумпата, а потоа се обидува да го удри возачот преку совозачкиот прозорец, по што возачот пука во него со огнено оружје.
Жртвата добила најмалку три куршуми во пределот на рамото и градниот кош, а малку подоцна им подлегнала на повредите.
Полицијата интензивно работи на откривање на сторителот на делото, пренесуваат грчките медиуми.