Бројот на загинати во железничка несреќа во Грција се искачи на 57, потврди за Би-Би-Си патологот Елени Загелиду. Во истрагата учествуваат вкупно десет вештаци. Железничарите денеска почнаа еднодневен штрајк ширум Грција, а во исто време гневот на јавноста расте. Граѓаните организираа протести во Атина, Солун и Лариса, во близина на местото на несреќата.
Штрајкот на железничките работници започна во 06:00 часот по локално време, што влијаеше на железничките услуги и работата на метрото во Атина. Синдикатот ги обвини грчките власти дека со години го игнорирале проблемот со грчките железници, што на крајот доведе до трагедијата.
#WATCH Rescuers are continuing to search the wreckage of trains involved in a deadly high-speed collision in Greece@AislingNiCTV reports⤵️#VMNews pic.twitter.com/CUqfWAXXFv
— Virgin Media News (@VirginMediaNews) March 2, 2023
Спасувачите се уште се на терен и се обидуваат да ги пронајдат преживеаните патници. Константинос Иманимидис изјави за Ројтерс дека ова е „најтешкиот момент“ за нив бидејќи „наместо да спасуваат животи, тие мора да извлекуваат мртви тела“. Да потсетиме, несреќата се случи нешто пред полноќ во вторникот. Патнички воз со 350 луѓе се судри со товарен воз.
Синоќа демонстрантите во Атина се судрија со полицијата пред седиштето на компанијата одговорна за управување со железницата во Грција. Демонстрантите фрлаа камења, а полицијата возврати со солзавец.
Протестите продолжуваат и денеска.
🇬🇷 : Police and protesters confronted each other in Athens amid public outrage over the head-on collision of a passenger train and a freight train that killed at least 57#Greece pic.twitter.com/mveuXEv6y8
— Zaid Ahmd (@realzaidzayn) March 2, 2023
„Железничката мрежа изгледаше проблематично, со истрошен и слабо платен персонал“, изјави за новинската агенција АФП Никос Савва, студент по медицина од Кипар. Тој е убеден дека шефот на станицата не треба да ја плати цената „за целиот болен систем“.
Портпаролот на пожарникарите Василис Вартакогијанис изјави дека температурата во првиот вагон, кој целосно изгорел, достигнала 1.300 степени Целзиусови. Тоа го направи „тешко да се идентификуваат луѓето кои беа внатре“, па семејствата обезбедија примероци од ДНК за да им помогнат на истражителите.