Сообраќајниот инспектор на Грчките железници денеска е приведен поради железничката несреќа од 28 февруари во која во Темпи загинаа 57 лица, објави „Катимерини“.
Инспекторот бил обвинет за нарушување на безбедноста во сообраќајот.
Пред него беше уапсен и шефот на станицата во Лариса.
Несреќата во која директно се судрија патнички и товарен воз, однесе животи на 57 лица, предизвика гнев кај јавноста и масовни протести поради загрозената безбедност на железничкиот сообраќај.