Грчката криза може да заврши во јуни, изјави денеска грчкиот министер за финансии Јанис Варуфакис.
– Тоа е целосно можно доколку се во Европа се смири. Неопходно ни е разбирање, што ќе обезбеди време од околу еден и пол месец, почнувајќи од крајот на февруари, за изработка на мерки, кои ќе ги применуваме од 1 јуни. Потоа, ќе видите колку брзо ќе почне влегувањето на капитали, изјави Варуфакис во Рим.
Тој денеска имаше средба со италијанскиот колега Пјер Карло Падоан. Варуфакис најави дека утре ќе се сретне со претседателот на ЕЦБ Марио Драги во Франкфурт, а в четврток со германскиот колега Волфганг Шојбле во Берлин.