Шведскиот министер за надворешни работи Маргот Вoлстром денеска во Сарево изјави дека зголемената националистичка реторика на Балканот е причина за „сериозна загриженост во врска со ситуацијата во овој дел од Европа“, повикувајќи ги земјите од регионот да се воздражат од слични појави и наместо тоа, да ја продлабочат меѓусебната соработка и да ги спроведат реформите, што би ги доближиле до членство во Европската унија, јави Хина.
– Како пријатели и партнери ние ја изразуваме нашата загриженост во врска со националистичката реторика не само во Босна и Херцеговина, туку во целиот регион. Неоходно е да се направи се што е можно со цел да се избегне тоа, посочи Валстром, по средбата со официјалните претставници на Сараево.
Валстром го посети Сараево во рамките на регионалната турнеја и потврди дека Шведска останува пријател и сигурен сојузник на Босна и Херцеговина, особено во однос на патот кон членството во ЕУ.
– Шведска го поддржува присоединувањето на Босна иХерцеговина во ЕУ и смета дека нејзиното членство е апсолутно реално, посочи шведскиот министер за надворешни работи, истакнувајќи дека тоа не може да биде постигнато без комплексни и длабоки реформи.