Судењето на кланот Беливук-Миљковиќ беше прекинато откако водачот на групата им го откажа полномошното на своите адвокати, а во тоа му се придружија уште двајца негови соработници, во пресрет на првото сведочење на единствената преживеана жртва. Од озлогласениот клан, овој млад човек бил малтретиран и силуван во бункер на стадионот на Партизан.
Кланот ја користеше можноста да им го укине полномошното на адвокатите и претходно, на самиот почеток на судењето, кога во неколку наврати на чело со Марко Миљковиќ Месар ги отпуштаа адвокатите, а потоа повторно ги вработуваа.
За време на судењето, кое се одржа во средата, на самиот крај на рочиштето, збор зеде Веља Невоља, кој ги откажа своите адвокати.
По него збор зедоа обвинетите Небојша Јанковиќ и Немања Ѓуриќ кои му се придружија на својот шеф и ги откажаа адвокатите.
– Ќе го откажам полномошното на сите мои бранители. Кога кажав нешто минатиот пат, се откажаа од Спасојевиќ, да видиме сега што ќе биде. Ќе видиме дали ќе почекаме или ќе ми дадете адвокат по службена должност за да го одложиме судењето, но јас не се откажувам од моите барања – рече Беливук.
На прашање на судијата дали можат веднаш да изберат друг бранител, Веља Невоља рече дека не ги отпуштил адвокатите затоа што не си ја вршат работата или затоа што згрешиле, туку дека тоа е негов „израз на бунт“.
Поради оваа постапка на водачот на кланот, следните судења се откажани, а следното ќе се одржи дури на крајот на август.
Имаме работа со криминална група која заедно со соработниците на обвинетиот брои повеќе од 30 членови, така што судењето само по себе ќе потрае, а за секој нов бранител кој би бил инволвиран во случај кој има илјадници страници докази во средината на судењето, потребна е сериозна подготовка, која може да трае со месеци, објаснуваат познавачи за српските медиуми.
Според соговорнит на српскиот „Блиц“ од областа на правдата, во овој случај тактиката на одбраната не е логична, со оглед на тоа што одлагањето не им оди во прилог.
-Тие се обвинети за кривични дела кои немаат застареност, па не можат да одат на тоа. Тие се во притвор, каде што условите се построги отколку во затворот, па тоа е и причината за неодолговлекување – вели соговорникот на „Блиц“.
Во процесот, на ред е сведочењето на единствената преживеана жртва – младиот човек И.С., кој беше киднапиран, измачуван и силуван. По него треба да сведочат семејствата на убиените.
Според Дејан Раденковиќ, поранешен функционер на МУП, една од причините поради која обвинетите одлучиле да ја одложат постапката е да купат време за сведочењето на единствената преживеана жртва и седумте семејства на убиените.
– Ова е дефинитивно тактика за одложување и спречување на сведочењето на жртвите и нивните семејства. Овие сведоштва обично се емотивни и оставаат силен впечаток кај судиите и јавното мислење. Тие тактички сметаат дека треба да го одложат тој чин, бидејќи сметаат дека во овој момент воопшто не им е во прилог – вели Раденковиќ за „Блиц“.
Она што е сигурно е дека обвинетите одолговлекуваат за подобро да се подготват за испитување. Досега се соочувале со обвинетите соработници со кои порано работеле и кои ги познаваат. Сепак, испрашувањето на жртвите е многу понапорно и нивните зборови носат поинакво значење и впечаток во јавноста.
Изворот на „Блиц“ од правосудството наведува дека оваа тактика може да се прекине и дека за тоа има решение кое веќе е применето во судскиот процес против Мирослав Мишковиќ и останатите обвинети.
-Тогаш Мишковиќ му го откажа полномошното на својот адвокат, па му беше доделен бранител по службена должност, кој остана во тимот на одбраната и кога повторно беа ангажирани избраните адвокати. На овој начин обвинетиот не може да манипулира со откажувањето на полномошното