Словенечкиот европратеник Иво Вајгл во интервјуто за дописникот на МИА од Стразбур и МРТВ изрази уверување дека наближува денот кога ќе почнат преговорите за членство на Република Македонија во ЕУ.
– Не знам дали смеам да бидам оптимист до таа мерка за да зборувам за датум, но во секој случај шансите се зголемуваат. Во ЕУ расте свеста дека е апсурдно тоа што Македонија не може да го направи тој одлучувачки чекор напред. Верувам дека се наближува денот кога ќе започнат преговорите, вели Вајгл.
Тој смета дека Македонија може парелелно да води преговори за членство со ЕУ и за решавање на прашањето за името со Грција.