Утре Словенија го бира својот претседател. Во игра се тројца претендендти за оваа функција.
Во анкетите води досегашниот претседател Данило Тирк.
Конкуренти на претседателот му се поранешниот премиер Борут Пахор и пратеникот во Европскиот парламент Милан Звер.
Според анкетите на порталот Дело, Данило Тирк би освоил 44 отсто од гласовите, Борут Пахор 31 отсто, а Милан Звер 25 отсто од гласовите на Словенците.
Во пресрет на изборите, во јавноста најмногу се зборуваше за најновите судири на Љубљанска банка и ратификуваната спогодба за пристап во ЕУ.
Актуелниот претседател Данило Тирк изјави дека овој проблем може да се реши до крајот на годината, поранешниот премиер Борут Пахор рече дека Хрватска не е најдобар сосед, додека кандидатот Милан Звер, истакна дека земјата мора да дејствува како кредибилен партнер со соседите.