Солун е во шок по семејната трагедија што се случи во вторникот наутро во станот, кога 38-годишен полицаец со ловечка пушка ја убил поранешната сопруга (42), а потоа се самоубил.
Се се случило околу 8.15 часот наутро. Двојката била разведена и не живееле заедно. Полицаецот тоа утро ги однел нивните две деца на училиште, а потоа се вратил во станот на поранешната сопруга и ја застрелал, па се самоубил.
Кога слушнале пукање на шестиот кат, соседите веднаш повикале полиција, која по пристигнувањето пронашла две тела.
Според извори од грчката полиција, нема пријави за семејно насилство во семејството или жената се пожалила на закани или насилничко однесување.
Двојката се разведе со заедничка согласност во 2023 година, а се регулирани деновите и бројот на часови кога таткото може да ги гледа децата.
Оружјето со кое полицискиот службеник Л.М. го извршил убиството и се самоубил законски го поседувал.
Децата биле на училиште во моментот на пукањето и не знаеле дека нивните родители се мртви.
Специјалисти психолози од грчката полиција отишле во училиштето во кое оделе двајцата малолетници за да им дадат поддршка по трагедијата.
На местото на трагедијата не е пронајдена проштална порака.
Полицијата истражува дали зад злосторството стои љубомора.