Еден турски војник е убиен и петмина се повредени при напади, организирани од бунтовници на Курдската работничка партија (ПКК) во округот Дијарбекир, во југоисточниот дел на земјата, соопшти турската телевизија НТВ.
Борци на ПКК вчера активирале бомби, поставени на различни места во регионот на Сур, во Дијарбекир.
Во еден од нападите се повредени двајца војници. Подоцна се организирани уште два напади, во кои се повредени уште четворица турски војници. Еден од повредените војници подоцна подлегнал на повредите.
Турските сили за безбедност продолжуваат со антитерористичката операција во Сур, започната во декември минатата година.