По наредба на дежурниот јавен обвинител при Вишото јавно обвинителство во Белград, на тројца осомничени им е одреден притвор до 48 часа во врска со пожарот во „Домот за сместување на возрасни и стари лица Ивановиќ“ на Велики Борак во која синоќа загинале осум лица, а седуммина се здобиле со телесни повреди.
Уапсен е одговорниот Г.И. (52), како и А.И. (52) и М.И. (29) поради постоење основи на сомнение дека сториле едно тешко кривично дело против општествената безбедност, за кое се заканува затворска казна од две до 12 години, соопштија од обвинителството.
Осомничените во рок од 48 часа ќе бидат сослушани во Вишото јавно обвинителство во Белград.