По тешката сообраќајна несреќа што се случи денеска на патот Сремска Митровица – Јарак во Србија кога автобус се преврте, при што загинаа најмалку две лица, а повеќе од 30 се повредени, уапсен е возачот (70) на автобусот под сомнение дека ја предизвикал несреќата.
Екипите за итни случаи сè уште се присутни на местото на настанот.
Доктор Милан Мандиќ од Итната помош во Сремска Митровица изјави дека едно лице е во критична состојба меѓу повредените кога автобусот се превртел на патот Сремска Митровица – Јарак, а дека останатите повредени засега се стабилни.
„Сите пациенти беа извлечени за нешто повеќе од еден час. На лице место пронајдовме двајца починати пациенти. Тие веќе починаа кога пристигнавме, за жал ништо не можеше да се направи. Што се однесува до другите, ги извлековме и им дадовме лекови против болки и беа префрлени во болница“, изјави Мандиќ за Танјуг.
За потсетување, тешка сообраќајна несреќа се случи денес околу 14:45 часот на патот Сремска Митровица – Јарак, кога загинаа две лица, а повеќе од 30 лица се повредени.
Причината за несреќата сè уште не е позната, истрагата е во тек.