Градоначалникот на Ријека, Војко Оберснел преку својот Твитер профил ги критикуваше најавите на словенечкиот министер за надворешни работи дека Хрватска “можеби никогаш нема да влезе во ЕУ.”
„Словенците велат дека можеби никогаш нема да влеземе во ЕУ. Дојде време некој конечно да им рече, можеби ние нема во ЕУ, но ниту вие ќе можете на Јадранот”,го пренесува index.hr твитерот на Оберснел.
Пресметката на социјалната мрежа ја предизвика изјавата на словенечкиот министер за надворешни работи Карл Ерјавец, дека ако не се најде решение за “Љубљанска банка” не само што Хрватска нема да влезе во Европската унија на 1 јули, како што е предвидено, туку и поради ситуацијата во ЕУ (на која проширување во моментов не и е приоритет) хрватското членство генерално би било доведено во прашање.