Претседателот на Турција Абдула Ѓул испрати телеграма до Ахмед Доган, во која изразува длабоко жалење за вчерашниот обид за атентат врз него, јави бугарската агенција БТА.
„Со огромно жалење дознав за извршениот обид за атентат врз вас за време на Националната конференција на ДПС. Најголема утеха ни е дека не сте повредени. Се надевам дека властите во Бугарија во најкус можен рок ќе ги откријат причините за тој напад“, се вели во телеграмата од Ѓул.
Тој уште истакнува дека секогаш ќе се паметат заслугите на Ахмед Доган, посветени на мисијата членовите на турското малцинство во Бугарија да заземат место во политичкиот и јавен живот на Бугарија како нејзини полноправни граѓани.