Најмалку 12 мигранти денеска починале од смрзнување во турскиот град Едрене долж границата со Грција, откако грчките власти наводно ги потиснале назад, соопшти турскиот министер за внатрешни работи.
– Дванаесет од 22 мигранти потиснати од грчките гранични единици, на кои им биле соблечени облеката и чевлите, се смрзнаа до смрт, напиша Сулејман Сојлу на Твитер, споделувајќи фотографии од тела во близина на, како што рече, граничниот премин Ипсала.
? 02.02.2022
? Greece Ipsala Border12 of the 22 migrants pushed back by Greek Border Units, stripped off from their clothes and shoes have frozen to death.
EU is remediless, weak and void of humane feelings.
Greek border units thug against victims, tolerant towards FETO pic.twitter.com/EP1TOqsGCB
— Süleyman Soylu (@suleymansoylu) February 2, 2022
Според локалната метеоролошка агенција, температурата во Ипсала беше 2 Целзиусови степени со дожд.
Како што јави ДПА, автентичноста на сликите не можела да се потврди од независни извори. Националноста на жртвите сè уште не е позната.
Едно лице е хоспитализирано додека во областа се трага по други на кои им е потребна помош, соопшти одделно канцеларијата властите на Едрене.
– ЕУ е неизлечива, слаба и лишена од човечки чувства, напиша Сојлу и ги обвини грчките гранични единици дека се „насилни кон жртвите, а толерантни кон ФЕТО“.
Засега нема официјална реакција од Атина.
Организациите за човекови права ја критикуваат Атина за незаконско потиснување на бегалците кон Турција. Атина негира и вели дека ги штити европските граници во согласност со меѓународното право.
Во Турција во моментов има околу 3,7 милиони сириски бегалци, покрај стотиците илјади мигранти од други земји.
Шверцерите на луѓе често се обидуваат да им помогнат на мигрантите илегално да влезат во Грција преку реката Еврос, која е позната и како Марица или Мерич.
Извор: МИА