Турција никогаш нема да се откаже од договорот за купување на одбранбени ракетни системи С-400 од Русија, изјави турскиот претседател Реџеп Тајип Ердоган.
Тој додаде дека по купувањето на С-400, Анкара би можела да размисли за купување на систем С-500.
САД претходно ја предупреди Турција дека купувањето на С-400 од Русија би можело да ги загрози договорите од областа на одбранбената индустрија помеѓу сојузниците на НАТО.
Ердоган додаде и дека САД не би требало да се обидуваат да ја дисциплинираат Турција со трговски мерки, нагласувајќи оти и Анкара подготвува сопствени мерки.