Турција и Холандија се договорија да ги нормализираат односите, соопшти турското МНР.
Одлуката е донесена во телефонски разговор меѓу турскиот министер за надворешни работи Мевлут Чавушоглу и неговиот холандски колега Стеф Блок.
Договорено е нормализирање на дипломатските односи во тој телефонски разговор, прецизира Министерството. Амбасадорите во Анкара и во Хаг ќе бидат вратени во најкус можен рок. Договорена е и посета на холандскиот министер за надворешни работи на Турција во втората половина од оваа година.