Турската Дирекција за управување со кризи соопшти дека почнала да гради камп за 20.000 Туркмени во Ирак.
Во кампот кој се гради во курдската провинција Дахук, северен Ирак, ќе бидат сместени раселени Туркмени, кои побегнале од нападите на групата Исламска држава.
Дирекцијата соопшти и дека вкупно 197 камиони со хуманитарна помош биле испратени за ирачките Туркмени од 10 јуни досега.
Дирекцијата најави и дека ќе продолжи да испраќа храна, лекови и друга хуманитарна помош за раселените Туркмени во Ирак.