По повод трагичниот настан што се случи денеска во Цетиње, Владата на Црна Гора на итна телефонска седница донесе одлука 2, 3 и 4 јануари да ги прогласи за Денови на жалост.
Владата на Црна Гора апелира до општините да ги откажат настапите и концертите закажани за вечерва (1 јануари).
„Ужасна трагедија која не погоди сите нас. Сите расположливи единици се во Цетиње и трагаат по сторителот. Се надевам дека лекарите ќе ги спасат животите на ранетите, кои се во тешка состојба. Ќе одржиме и седница на Советот за национална безбедност на која ќе разгледаме бројни опции, меѓу кои и целосна забрана за поседување оружје, бидејќи после ова треба да се запрашаме кој смее да поседува оружје во Црна Гора“, изјави премиерот Милојко Спајиќ.
Во согласност со Одлуката, јавните, културно-забавните програми нема да се одржуваат на јавни места, а музика нема да се емитува во угостителските објекти.
Електронските и другите медиуми се должни својата програмска содржина да ја прилагодат на одбележувањето на денот на жалост.