Шумски пожар повреди три лица и принуди евакуација на околу 2.000 жители околу јужниот албански град Делвина.
„Три лица претрпеа изгореници“, изјави заменик-градоначалничката на Делвина, Брунилда Мелеќи.
Шест села се евакуирани, а 10 ненаселени куќи се уништени во пожарот, рече таа.
Интензитетот на пожарот се намали откако два „канадери“ беа испратени да помогнат во гаснењето.
Министерството за одбрана соопшти дека околу 60 војници се испратени да помогнат во гаснењето на пожарот.