Еден од тројца Грци веруваат дека авиони од голема височина ги прскаат со хемиски или биолошки агенси, покажа најновата анкета што ја објави весникот „Етнос“. Анкетата ја спроведе компанијата „Метрон Анализи“ и таа покажа дека 33,3 проценти од Грците веруваат во теоријата на заговор наречена хемиски млаз.
Ова прашање беше една од омилените теми на партијата Независни Грци, по што грчката авијација минатата година беше принудена да издаде соопштение дека такви прскања не се спроведуваат. Сепак, анкетата покажува дека само 6,1 поценти од испитаниците кои веруваат во хемиски млаз се поддржувачи на десничарската партија преводена од Панос Каменос.
Вкупно 19,2 отсто ја поддржуваат Сириза, 15,3 Златна зора и 10,6 проценти се за Нова демократија. Прашањата за трагите што ги оставаат авионите на небото почнаа да се поставуваат уште во 90-те години од минатиот век, главно во Америка. Властите досега одговорија на повеќе теории истакнувајќи дека трагите од пареа се само кондензација која осанува зад авионите.