Самитот на земјите членки на ПСИЈЕ заврши без усвоена декларација. Албанија го блокираше предлог за заедничка декларација.
Претседателот на Србија, Томислав Николиќ, на заедничката прес-конференција со претседателите на Македонија и Црна Гора, Ѓорѓе Иванов и Филип Вујановиќ, објасни дека на самитот декларацијата е усвоена со консензус – на кој не се согласила Албанија.
Според неговите зборови, ова фрли сенка на успешно организираната конференција.
Заменик-министерот за надворешни работи на Албанија, рече дека и покрај добрата волја со која тој пристигнал на самитот, не може да го поддржи текстот, бидејќи не е доволно конструктивен.
Тој претходно, во својот говор го повтори ставот на Тирана за Косово, и побара да биде дозволено Косово да стане „рамноправен” член на Процесот, а потоа додаде и дека постојат различни толкувања на договорот во Брисел, но дека сигурно може да се најдат формули кои ќе овозможат Косово да учествува во регионалните иницијативи.
Единствено нешто што успееаја да се договорат шефовите е избирот на Горан Свилановиќ за генерален секретар на Советот за регионална соработка.