Вишото јавно обвинителство во Зрењанин поднесе обвинителен акт против Тереза Периќ (47) за тешкото убиство на нејзиниот сопруг Срѓан (42) во мај минатата година, дознава „Телеграф.рс“.
– На 3 октомври годинава обвинението е доставено до Вишиот суд во Зрењанин на потврдување. Според Кривичниот законик, таа се соочува со казна од најмалку 10 години или доживотен затвор, велат од Вишото јавно обвинителство во Зрењанин.
Таа наводно го избодела својот сопруг најпрвин со нож, а потоа со моторна пила му го исекла телото, па дури и сварила одредени делови во тенџере. Сето тоа го направила пред очите на нејзината малолетна ќерка, а на крајот нејзините деца ја пријавиле во полиција.
Според досега познатите информации, Тереза му ставила седативи во водата на Срѓан за да го зашемети, а потоа го убила во куќата во која биле и нејзините деца. Таа му го одзеде животот бодејќи го со нож додека спиел.
Тереза го избодела Срѓан во спалната соба, а тој некако успеал да влезе во дневната соба. Тогаш го видела ќерката на Тереза. Нејзината мајка излегла да земе моторна пила, а потоа ја избркала на улица, а последните зборови што ги слушнала од Срѓан биле: „Викнете брза помош“. Расплаканото девојче го повикало својот постар брат, а потоа заедно тропнале на вратата од семејниот дом, молејќи ја мајка им да престане. На крајот повикале полиција.