Теодорикакос: Провокативни, невистинити и нереални се изјавите дека Грција е центар за обука на терористи

Од:

Изјавите на турскиот министер за внатрешни работи, Сулејман Сојлу дека Грција е центар за обука на терористи се провокативни и немаат врска со вистината и реалноста и цела Европа го знае ова, вели министерот за цивилна заштита на Грција Такис Теодорикакос, јави дописничката на МИА од Атина.

Теодорикакос, додава дека „Турција продолжува да ги злоупотребува несреќните луѓе, нелегални мигранти, како што го стори тоа во март 2020 година, туркајќи ги, многупати насилно, кон нашите граници, кои се границите на Европа со Турција“.

– Нема да го дозволиме тоа. Ги браниме нашите граници во име на меѓународното право, истакна грчкиот министер.

Како што пренесуваат грчките медиуми, министерот за внатрешни работи на Турција, Сојлу рекол дека Грција обучува членови на ПКК во Лаврио во близина на Атина, по што следеше и демантот од Теодорикакос.

Извор: МИА

Би можело да ве интересира

Земјотрес го погоди денеска грчкиот остров Самос

Преспанскиот договор оспорен во предизборието, анализира грчки Катимерини

Александар Тодески

Дводневен штрајк на царинските служби во Грција

Орце Костов

По силниот земјотрес во Грција, тлото продолжува да се тресе

Два силни земјотреси ја погодија Грција

Горан Наумовски

Во Франција засилени безбедносни сили пред сите католички и протестантски цркви за време на Велигден