Томислав Николиќ и Борис Тадиќ во дуелот на РТС разговараа за визијата за Србија, надворешната политика, Косово економијата, борбата против порганизираниот криминал, одбраната и европските интеграции.
Николиќ го обвини Тадиќ дека ветувал работни места, најголеми плати во регионот пензии и дека државата не смее да остане во неговите раце.
„И затоа велам излезете, казнете го Тадиќ, победете, бидејќи ова е единстевена прилика“, порача Николиќ.
Тој се осврна и на тоа дека многу луѓе биле ангажирани од власта да се запре неговата партија, и затоа нагласи дека оди и во вториот круд да ја спаси Србија од Тадиќ.
„Секогаш бев за борба на идеи а не на луѓе бидејќи тоа е за гладијаторските арени. Вие господине Николиќ, добро знаете дека се што зборувате не е вистина“, му возврати Тадиќ.
Тој рече дека кражбата е измислена намерно во штабот на Николиќ, а за својата политика досега ги добил сите меѓународни награди и дека Србија ја направил земја на соработката и мировната политика.
Вториот круг од претседатеските избори е на 20 мај.