Во Истра се случи тешка сообраќајна несреќа во која се повредени 14 лица, меѓу кои и деца. Во несреќата учествувале автобус со полски регистрации и автомобил со пулски регистарски таблички.
Несреќата се случила синоќа околу 22 часот кога 32-годишен возач на автомобил, движејќи се од правец на Новиград кон местото Тара во кривина поради преголема брзина, изгубил контрола и отишол во спротивен правец и удрил директно во автобусот, кој го управувал 58-годишен маж, државјанин на Полска.
Од ударот автомобилот бил исфрлен на тревата, додека автобусот излетал од патот и удрил во метална заштитна ограда, извести истарската полиција.
Во несреќата со повреди се здобиле возачот на автомобилот и автобусот, како и 12 патници во автобусот, од кои осум малолетници, сите полски државјани.